Pelge ve Peti ra, zu esqo, zu sevdawa, zu dinawa. Dina ine Dersim biye. Esqe ine, sevda ine xori biye, bebın biye. Hama derd u güle ho jede bi. Derd u guli i ca neverday. Tertele Hermeniu, Tertele Dersimi je siya ine ine dıma bi. Hama esqe ine dılapa dılapa tarıx ra rezene. İne esq ca neverda, esq ki i ca neverday. Hama keşi ne esqe ine, ne ki i fam kerdi. Owe serdıne biye. Thıkene Pelge. Thıkaena Tehleriyani ame Peti viri. Venge aersunu qediay bi. Venge domonu ki neamene. "Domone mı! Ax domone mı!" Vake Pelge. Çheka Peti hona dest biye. Gınene miane Pelge. "A çheka ho raverde endi deste hora! Mı daznena. Çheke ki ma nexelesne. Raverde deste hora!" Vake Pelge. Deste Peti bi xavi, çheke dest ra gıne ware... Keşi ne esqe ine, ne ki i fam nekerdi. Bar kerdi şi na dina ra. Reca ho biye vindi. Ne keşi i di, ne ki ine keşi di... Dinawa... Faniya... Kami de ama?
Kitap Yorumları - (0 Yorum)